Ein milepæl!

Då va det gjort! Me har saga hol i gamle, fine tømmerveggen! Me har klødd oss i hodet for å finne ei løysing der me slapp å øydeleggja den fine veggen, men det vart for vanskeleg. Me måtte ha hol for å komme oss frå gamlehuset til det nye. Så litt over ein meter med tømmervegg måtte ofrast. Men eg trur det blir kjempestilig! 

Alt klart til å starte å sage. Sjølvsagt nekta saga å starte, så då var det å prøve å få tak i ei ny. Biletet er tatt inne i gamlehuset.

Frå nyehuset.

Endelig hol i veggen! Titt titt! 

Ned til kjøkkenet/allrom. Her skal vi ha ei fin trapp ned. 

Golvvalg

Å velge golv er ikkje alltid like enkelt. Aller helst ville me ha tregolv, men med varme i golvet blir det litt vanskelig. Og i tillegg er det litt for kostbart for vårt budsjett. Så tenkte me på parkett, men siden me skal ha det på kjøkkenet tenkte me at vinylbelegg var eit sikrare valg. Med ei lita ei i huset og sannsynlegvis katt og hund med tida er nok vinylbelegg meir praktisk også. Det finnes jo så utruleg mykje fin vinyl nå for tida. Så me drog til Fargerike i Fosnavåg for å sjå på vinylbelegg. Men der viste dei oss noko me ikkje hadde fått med oss, nemleg korklaminat frå Golvabia. Det er bygd opp av et korksjikt, ein stamme av trefiber, eit nytt korksjikt, eit dekorsjikt og eit tynt sjikt av vinyl som beskyttar golvet. Det er varmt og behageleg samtidig som det dempar støy og forstyrrande lydar. Det er også like slitesterkt som høgtrykkslaminat. Og så har dei veldig mange fine nyansar. Me fekk med oss prøvar heim for å sjå korleis dei vart i lag med rundtømmerveggen, som er beisa i drivved, og dei andre veggane som er mala med Pure & Original Classico Seafoam. 

Frå venstre Bark Oak, Sand Oak, Cinder Oak, Frozen Oak og Alaska Oak. 

Eg syntes umiddelbart at Alaska Oak var veldig fin, mens husbonden ville helst ha Sand Oak eller Frozen Oak. Me kom til slutt fram til at Alaska Oak vart litt for lik tømmerveggen, og at Frozen Oak vart litt for kald, og enda opp med Sand Oak som begge eigentleg syntes var fin. Så nå gjenstår det berre å bestille golv! Spanande! :) 

Her er den me tilslutt valgte, Sand Oak.

Opp mot rundtømmerpanelet og den grå kalkmalinga. 

Litt frå innsida også....

Det er mykje som har skjedd inne også. Me har fått opp takpanel og beisa rundtømmerpanel på endeveggen på kjøkkenet. Soveromma har blitt mala og tapetsert. Den nye Icopal Celsius + pipe og peis i eitt er også montert. Men enda står mykje igjen. Flislegging på badet og vaskerommet, og legge golv, listing ++. 

Peisen skal stå på enden av kjøkkenbenken.

Svigermor og svigerfar var så snille og la denne fine tapeten frå Sne Design på rommet til jenta vår. Veggane mala eg i samme duse rosafarge som bakgrunnen på tapeten. Eg tok med meg tapeten på malebutikken og så målte dei med ein eller dings kva farge det var. 

Og her er tapeten på vårt soverom i ein fin blåfarge. 

Rundtømmerpanelet på endeveggen på kjøkkenet/allrom. Litt dårleg bilde, så skal prøve å ta eit betre snart.

Gult er kult!

Å velge husfarge er ikkje alltid like lett. Vi stod til sist mellom kvitt og gult. Sidan gamle huset var gult då vi kjøpte det, helte vi litt meir mot gult enn kvitt. Samtidig synest vi det er så fint med hus med "fargar"! Særleg eldre hus.

Vi hadde altså endeleg bestemt oss for gult hus. Men gult er jo ikkje bare gult. Det finst jo i så uendeleg mange nyansar! Vi gjekk fyrst til innkjøp av ein liter med Skagengul (fargekode: 1124 / 1832-Y18R), vi syntes denne såg fin ut, og litt lik den gamle gulfargen på huset.

Gamle huset med den opprinnelege gulfargen, om enn litt falma.

Prøvestrøk med Skagengul.

Når me såg Skagengul på huset vårt syntes me den vart veldig blass og litt for brunleg i fargen. Då eg spurte vesle jenta vår på tre kva farge det var svara ho: "Brun! Bæsjebrun!" : ) Så det avgjorde den saken, vi skulle ikkje ha "bæsjebrunt" hus! Husbonden fortalte at han hadde sett ein del fine gule hus på Espeset på vei til Bygg og System i Fosnavåg, der vi kjøper alt av byggemateriale vårt. Så vi tok oss ein kjøretur for å få litt inspirasjon. Og rett før vi kom til Bygg og System såg vi eit flott gult hus. Og trur du ikkje han som jobba på Bygg og System kjente han som eigde huset og ringte han for å høyre kva fargen heiter! Snakk om god service! Fargen heitte Grendegul (fargekode: 1747Y13R) og vi syntes den var kjempekul! ; )

Litt forskjell i gulfarge. Den til venstre er Grendegul.

Trur det blir kjempefint med kvite lister rundt vindauga!

Utearbeid

I vår/sommar har det ikke alltd frista så veldig å jobbe innomhus, sjølv om det er meir enn nok me burde ha jobba med der også. Og når svigerbror fekk leigd ein minigravar billig så var ikkje husbonden vanskeleg å be! Då var det både det eine og det ande som måtte gravast! Mannfolk og "leikene" deira, altså! Men eg klagar ikkje...hagen vart fin til slutt, sjølv om det på eit tidspunkt såg temmeleg trist ut.

Veiter må gravast, må skjønne!

Litt ekstra plass til terrasse.

Heile hagen min bestod på eit tidspunk av jordhaugar og veiter.

Må jo grave veite i grønnsakshagen min også.

Så var det på tide å anlegge ny plen.

10 kubikk med mold som skal leggast ut for hand.

Men det vart flott til slutt!

Etter eit par veker var det grønt og fint! Til og med stråkkheller opp til grønsakshagen!

 Hesjing på dugnad

I år bestemte me oss for å setje opp hes.

Det vart dugnad og vesle tausa og ho farmor var med.

Hesjing med bestefar er stas!

Det går framover i alle fall....

Då har me komme eit stykke vidare, både utvendig og innvendig. Utvendig har me fått opp lister rundt vindua og snekkarane har begynt på inngangspartiet og trappa. Innvendig er elektrikarane nesten ferdige og nokre rom er ferdig plata. 

Snøen kom dessverre tilbake...men det er no flott og, da :)

Vinduslistene er komne på plass.

Kjøkkenvindua vert flotte!

Skal bli kjekt når alt blir ferdig og me kan lage det fint til rundt husa!

Her skal kjøkkenbenkane opp etter kvart, og ei kjøkkenøy.

Resten av kjøkkenet og allrommet. Icopal Celsius + pipe og ovn i eitt kjem etter kvart.

Mot gamlehuset og der vi skal ha trapp opp til stuene.

Mot soveromma og vaskerommet.

Badet vårt

Eiril sitt rom.

Vårt soverom, med verandadør ut.

Alle vindua på gamlehuset på plass!

Vinteren er komen til Sunnmøre også og husbonden har fått prøve skjæret på traktoren.

Endeleg er alle vindua på gamlehuset satt inn også! Vi har valgt å sette inn fire vindu i front slik det var frå gamalt av. Før stod det to store vinduer der. Synes det er mykje koseligare med fire små. Alt av bordkledning er også kommen opp. Så nå er det berre å vente på våren og velge farge på huset. :)

Inne i dei to stovene i gamlehuset.

Synes det blei så koselig med fire vinduer!

Inne i den nye delen er så og seie all isoleringa ferdig. Nå gjenstår "bare" å plate veggane.